ग्रामपंचायत ठेंगोडा येथे स्वातंत्र्य दिनाचा ७९ वा वर्धापन दिन उत्साहपूर्ण वातावरणात साजरा करण्यात आला. यानिमित्त ग्रामपंचायत कार्यालयावर आकर्षक तिरंगा लाइटिंग लावण्यात आली होती. पहाटे शालेय विद्यार्थ्यांची प्रभातफेरी साऊंड सिस्टिमच्या सहाय्याने काढण्यात आली. या कार्यक्रमात ग्रामपंचायत पदाधिकारी, ग्रामस्थ, शिक्षकवर्ग तसेच विद्यार्थी मोठ्या संख्येने सहभागी झाले. राष्ट्रध्वजाला सलामी देऊन स्वातंत्र्यसैनिकांच्या कार्याची आठवण करून देण्यात आली. संपूर्ण गाव देशभक्तीच्या वातावरणाने भारावून गेले होते. कार्यक्रमाच्या शेवटी ग्रामपंचायतीच्या वतीने सर्व नागरिकांना स्वातंत्र्य दिनाच्या शुभेच्छा देण्यात आल्या.